ჯანელიძე: აფხაზეთისა და რუსეთის შეიარაღებული ძალების გაერთიანებული დაჯგუფების შექმნით, 2008 წლის შეთანხმების პირობები ირღვევა

2016-11-03 15:49:12, 991 ნახვა

კომენტარი

„ეს არის ქმედება, რომელიც ნამდვილად არ არის მიმართული რეგიონში უსაფრთხოებისადმი, ირღვევა 2008 წლის შეთანხმება“,-ასე გამოეხმაურა საგარეო საქმეთა მინისტრი მიხეილ ჯანელიძე რუსეთის ფედერაციის სახელმწიფო დუმის მიერ რუსეთისა და სოხუმის საოკუპაციო რეჟიმს შორის შეიარღებული ძალების გაერთიანებულ დაჯგუფებას.

მინისტრის შეფასებით, ეს იმ პოლიტიკის გამოხატულებაა, რომელსაც რუსეთი ოკუპირებულ ტერიტორიებთან მიმართებაში ახორციელებს.

„ეს არის ქმედება, რომელიც ნამდვილად არ არის მიმართული რეგიონში უსაფრთხოებისადმი, ირღვევა როგორც 2008 წლის შეთანხმება ასევე ირღვევა საერთაშორისო სამართლის ფუნდამენტური პრინციპები და ნორმები. ჩვენ ამაზე უკვე მოვახდინეთ რეაგირება, როგორც 2015 ასევე დღესაც და ჩვენი მხრიდან ეს საკითხი დგას ყველა შესაბამის საერთაშორისო ფორმატში, დღეს აღნიშნული საკითხი ეუთო-ს მუდმივი წარმომადგენლების ფორმატშიც განიხილება“, - აღნიშნა ჯანელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან