"ნაციონალური მოძრაობის“ და მათი ლიდერის გაუგებარი ქმედებების შედეგი იყო ის, რაც მივიღეთ, მათ რიცხვში  - ოკუპირებული ტერიტორიები, - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა განაცხადა.

ექს-პრემიერის თქმით,  პროვოკაციები, რაც დღეს რუსეთის მხრიდან არის, აღმაშფოთებელია.

„მე როგორც ვადევნებ თვალს, ყველა სახელმწიფო მოხელეს ჯანსაღი რეაქცია ჰქონდა.  ეს უნდა გავაგრძელოთ. „ნაციონალური მოძრაობის“ და მათი ლიდერის გაუგებარი ქმედებების შედეგი იყო ის, რაც მივიღეთ, მათ რიცხვში ოკუპირებული ტერიტორიები. ისინი ძალიან დაეხმარნენ რუსეთს, რომ განეხორციელებინა ის, რაც განახორციელა. ჩვენ, რა თქმა უნდა, ყოველდღიურად ყველაფერი უნდა გავაკეთოთ მხოლოდ მშვიდობიანი გზით და არ წამოვეგოთ პროვოკაციებზე“, - განაცხადა ბიძინა ივანიშვილმა.

როგორც ივანიშვილმა აღნიშნა, საერთაშორისო თანამეგობრობა მაქსიმალურად ინფორმირებული უნდა იყოს და მათთან ერთად უნდა მოხერხდეს „ნაციონალური მოძრაობის“ დანაშაულებრივი შეცდომების გამოსწორება.

„ჩვენ აუცილებლად მოვახერხებთ და დავიბრუნებთ ჩვენ ძმებს აფხაზებს და ოსებს, ამავდროულად გავაერთიანებთ ტერიტორიებს, ამას ჭირდება ის, რაც მე მრავალჯერ მითქვამს - დიდი მოთმინება, სტაბილური ქვეყანა, ეკონომიკური აყვავება და დემოკრატიული ინსტიტუტების გაღრმავება. ჩვენ კარგი ქვეყანა უნდა ავაშენოთ“, - განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა