თბილისის მერიის კეთილმოწყობის საქალაქო სამსახური 2 კვირის მანძილზე სერვისის მომწოდებელი კომპანიებისა და სხვა ფიზიკური და იურიდიული პირების სამუშაოების მონიტორინგს განახორციელებს.

როგორც „ექსპრესნიუსს“ თბილისის მერიიდან აცნობეს, მონიტორინგის მიზანია 2014 წელს გაცემული ნებართვების ფარგლებში კომპანიების მიერ ნაკისრი ვალდებულებების შესრულების შემოწმება. აღმოჩენილი დაზიანებების შესახებ ინფორმაცია მიეწოდება თბილისის მერიის ზედამხედველობის საქალაქო სამსახურს, რაზეც ეს უკანასკნელი კანონით გათვალისწინებულ ღონისძიებებს გაატარებს.

კეთილმოწყობის საქალაქო სამსახურის უფროსის ავთანდილს სუდაძის თქმით, დედაქალაქის მასშტაბით გზების მშენებლობაში ჩართული ყველა კონტრაქტორის შესრულებული სამუშაოები  მოთხოვნილ სტანდარტებსა და ნორმებს უნდა პასუხობდეს.

„მოვუწოდებთ თბილისში მიწისქვეშა კომუნიკაციების მფლობელ კომპანიებსა და სხვა კერძო იურიდიულ თუ ფიზიკურ პირებს, გადაამოწმონ და უმოკლეს ვადებში აღმოფხვრან დაზიანებები, რომლებიც გამოწვეულია მათი საქმიანობიდან გამომდინარე“,-ნათქვამია მერიის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი