„ვიცე-პრემიერ გიორგი კვირიკაშვილს მოვუწოდებ, თავის თავზე აიღოს პასუხისმგებლობა და მოითხოვოს უფლებები“, - ამის შესახებ „თავისუფალი დემოკრატების“ ლიდერმა ირაკლი ალასანიამ ქვეყანაში განვითარებულ ეკონომიკურ მოვლენებთან დაკავშირებით გადაცემა „რეაქციაში“ საუბრისას განაცხადა.

როგორც ალასანიამ განმარტა, ვიცე-პრემიერმა გიორგი კვირიკაშვილმა საკუთარ გადაწყვეტილებებში დამოუკიდებლობა უნდა მოითხოვოს.

„როდესაც გადაწყვეტილებებს ველოდებოდი პრემიერ-მინისტრისგან და ეს გადაწყვეტილებები პრაქტიკულად არ მოდიოდა უკან უწყებაში, გადაწყვეტილების მიღების პასუხიმგებლობას დამოუკიდებლად ვიღებდი. ათამდე წერილი მაქვს მიწერილი და ძალიან მნიშვნელოვან საკითხებზე და გადაწყვეტილება უკან ვერ მივიღე. რა თქმა უნდა ხდებოდა შეთანხმებები იმ კომპეტენტურ ორგანოებთან და აუცილებელი იყო გადაწყვეტილებებში მონაწილეობა მიეღო, მაგრამ გადაწყვეტილების მიღების ტვირთს ჩემს თავზე ვიღებდი. ასევე იყო ალექსი პეტრიაშვილი, მაია ფანჯიკიძე და აქედან გამომდინარე, სწორედ ამას მოვუწოდებ ვიცე-პრემიერს გიორგი კვირიკაშვილს. აიღოს თავის თავზე პასუხისმგებლობა და მოითხოვოს უფლებები“, - განაცხადა ირაკლი ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.