ბაქოში Sputnik-ის თანამშრომლების დაკავების შემდეგ რუსეთის საგარეო საქმეთა სამინისტროში აზერბაიჯანის ელჩი დაიბარეს, - ამის შესახებ ინფორმაციას რუსული მედია ქვეყნის საგარეო უწყებაზე დაყრდნობით ავრცელებს.

„ბაქოს არამეგობრული ქმედებებისა და რუსი ჟურნალისტების უკანონო დაკავებასთან დაკავშირებით, რომელთა მიმართაც აზერბაიჯანის ხელისუფლებას მთელი ამ ხნის განმავლობაში არანაირი პრეტენზია არ ჰქონია, აზერბაიჯანის ელჩი საგარეო საქმეთა სამინისტროში გამოიძახეს“, - განაცხადეს რუსეთის საგარეო უწყებაში.

ცნობისთვის, დღეს აზერბაიჯანის უსაფრთხოების სამსახურებმა ბაქოში მდებარე რუსული საინფორმაციო სააგენტო Sputnik-ის ოფისში სპეცოპერაცია ჩაატარეს, რის შედეგადაც ორი პირი დააკავეს, რომლებიც ეჭვმიტანილები არიან „რუსეთის უშიშროების ფედერალურ სამსახურთან ფარულად მუშაობაში“.

Sputnik-ის ცნობით, დღეს ბაქოში ჩატარებული ოპერაციის შედეგად აზერბაიჯანის უსაფრთხოების სამსახურებმა „Sputnik აზერბაიჯანის“ რედაქციის ხელმძღვანელი, იგორ კარტავიხი და მთავარი რედაქტორი, ევგენი ბელუსოვი დააკავეს.

აზერბაიჯანსა და რუსეთს შორის ურთიერთობები მას შემდეგ დაიძაბა, რაც 27 ივნისს ეკატერინბურგში რუსმა სამართალდამცავებმა აზერბაიჯანის 50-ზე მეტი მოქალაქე დააკავეს. ჩატარებული რეიდების დროს აზერბაიჯანის ორი მოქალაქე დაიღუპა და ორი დაშავდა.

გუშინ, აზერბაიჯანის კულტურის სამინისტრომ რუსეთის სახელმწიფო და კერძო დაწესებულებების მიერ ქვეყანაში დაგეგმილი ყველა კულტურული ღონისძიება გააუქმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი