სამეგრელო-ზემო სვანეთის გუბერნიის ადმინისტაციაში საქართველოს მთავრობის ადმინისტრაციის რეგიონებთან და ადგილობრივ თვითმმართველ ორგანოებთან ურთიერთობის დეპარტამენტის კოორდინაციის სამსახურის უფროსმა გიორგი როინიშვილმა და მხარის გუბერნატორი ლევან შონიამ რეგიონში მიმდინარე და დაგეგმილი ინფრასტრუქტურული პროექტების მიმდინარეობა განიხილეს.

ზუგდიდის გამგეობის ინფორმაციით, პროექტების განხილვას გუბერნიის ადმინისტრაციაში ზუგდიდის მუნიციპალიტეტის გამგებელი ედიშერ თოლორაია და მხარის მუნიციპალიტეტების გამგებელები ესწრებოდნენ.

ედიშერ თოლორაიას განმარტებით, 2015 წელს ზუგდიდის მუნიციპალიტეტის ტერიტორიაზე უკვე მე–7 გზის აღდგენითი სარეაბილიტაციო სამუშაოები მიმდინარეობს.

„2015 წლის იანვრიდან დღემდე შეკეთდა და ახალი, უმაღლესი ხარიხის ასფალტის საფარი დაიგო სოფლების: ურთის, უჩაშონის,ჭითაწყარის, ინგირის, ცაცხვის გზებზე. რეაბილიტაციის მეორე ეტაპი დაიწყო ტყაიის ადმინისტრაციული ერთეულის გზაზე.გზის სარეაბილიტაციო სამუშაოები აქტიურად მიმდინარეობს რიყის ადმინისტრაციულ ერთეულში. ამ ეტაპზე გზების რეაბილიტაციისთვის 2 მილიონ ლარზე მეტი გაიხარჯა“, - აღნიშნა თოლორაიამ.

სამუშაო შეხვედრაზე დეტალურად, მუნიციპალიტეტების მიხედვით განიხილეს რეგიონული პროექტების ფონდიდან დაფინანსებული სამუშაოები. ამავდროულად, განხილულ იქნა რეგიონში სამომავლოდ დაგეგმილი პროექტები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი