2008 წლიდან მოყელებული ორივე ტერიტორიაზე, როგორც აფხაზეთში, ისე ცხინვალის რეგიონში, მანამდე არსებული საერთაშორისო მისიები შეწყდა და ის რეალობა მივიღეთ, როდესაც რუსეთი ამ ტერიტორიებს ფაქტობრივად ექსკლუზიურად აკონტროლებს, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრობის კანდიდატმა ქეთევან ციხელაშვილმა განაცხადა.

როგორც მინისტრობის კანდიდატმა აღნიშნა, ხელისუფლების ამოცანაა, რომ ოკუპირებულ ტერიტორიებზე უსაფრთხოების მექანიზმები, მათ შორის ადამიანის უფლებების მონიტორინგისა და დაცვის მექანიზმები ამოქმედდეს.

"ვიდრე ეს ამოცანები იქნება მიღწეული, ვიდრე ევროკავშირის სადამკვირვებლო მისია, რომელიც აქ 2008 წლის ოქტომბრიდან არის განთავსებული და მას ასევე არ ეძლევა შესაძლებლობა განახორციელოს მანდატი, შეძლებს საოკუპაციო ხაზის მეორე მხარეს შესვლას. ჩვენ ვცდილობთ, რომ ეს საკითხები იყოს ყველა ფორმატში და მათ შორის ჰუმანიტარული სამუშაო ჯგუფის ფორმატშიც. ადამიანის უფლებების საკითხი იყო და რჩება მთავარ თემად. 2 წელია საგარეო საქმეთა სამინისტრომ დაიწყო კვარტალური ანგარიშების გამოქვეყნება, ოკუპირებულ ტერიტორიებზე ადამიანის უფლებების დარღვევის მდგომარეობის შესახებ. ძალიან მნიშვნელოვანია, რომ გაეროს გენერალურ ასამბლეაზე ყოველწლიურად, მზარდი მხარდაჭერით, მიიღება დევნილთა დაბრუნების უფლების მხარდამჭერი რეზოლუცია", - განაცხადა ციხელაშვილმა.

მისივე თქმით, 2 დღის წინ ევროსაბჭოს კონსოლიდირებული ანგარიში გამოქვეყნდა, სადაც ოკუპირებულ ტერიტორიებზე არსებული მდგომარეობის შესახებ გიგა ოთხოზორიას მკვლელობა ფიგურირებს.

"ყველა ამ ანგარიშში არის გიგა ოთხოზორიის მკვლელობა და მკვლელის დასჯის აუცილებლობა. ჩვენი ამოცანაა, რომ დამნაშავე იყოს დასჯილი", - აღნიშნა ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული