ბრაზილიაში ”მარაკანაზე” ზაფხულის XXXI ოლიმპიური თამაშები ოფიციალურად გაიხსნა. საზეიმო ცერემონია ბრაზილიის მოქმედმა პრეზიდენტმა მიშელ ტემერმა და ოლიმპიური კომიტეტის ხელმძღვანელმა ტომას ბახმა ოლიმპიადა გახსნილად გამოაცხადეს.

სიტყვით გამოსვლის შემდეგ, აჟღერდა ოლიმპიადისადმი მიძღვნილი ჰიმნი და დაიწყო გახსნის ცერემონია.

ოლიმპიური თამაშების გახსნის ცერემონიას საქართველოს პრეზიდენტი გიორგი მარგველაშვილი მეუღლესთან ერთად დაესწრება.

რიო დე ჟანეიროში ჩავიდა სპორტისა და ახალგაზრდობის საქმეთა მინისტრი ტარიელ ხეჩიკაშვილი, რომელიც ასევე დაესწრება გახსნის ცერემონიას და ქართველ ოლიმპიელებს გაამხნევებს. სპორტისა და ახალგაზრდულ საქეთა სამინისტროს ინფორმაციით, რიოში იმყოფებიან მინისტრის მოადგილე შალვა გოგოლაძე და ოლიმპიური კომიტეტის პრეზიდენტი ლერი ხაბელოვი. 

ზაფხულის ოლიმპიურ თამაშებზე საქართველო 40 სპორტსმენით 13 სახეობაში წარდგება, რაც დამოუკიდებელი საქართველოს ისტორიაში სარეკორდო ციფრია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI

Starbucks-ი ოფიციალურად შემოდის საქართველოს ბაზარზე

სოციალური სამართლიანობის ცენტრი: პატიმრების კვება საქართველოში სერიოზულ კითხვებს ბადებს