აშშ-ის ზეწოლის ფონზე, ვენესუელამ პოლიტიკური პატიმრების გათავისუფლება დაიწყო - ამ ეტაპზე, საუბარია ესპანეთის 5 მოქალაქეზე.

ესპანეთის საგარეო საქმეთა სამინისტრომ უკვე დაადასტურა ცნობა მათი მოქალაქეების გათავისუფლების შესახებ, რომელთა შორისაც არის ცნობილი ვენესუელელ-ესპანელი უფლებადამცველი როსიო სან მიგელი. 

ვენესუელის პარლამენტის სპიკერის თქმით, საპატიმროს კიდევ ბევრი ადამიანი დატოვებს.

"მშვიდობიანი თანაარსებობის მიზნით, ვენესუელის მოქალაქეების და უცხოელების მნიშვნელოვანი რაოდენობა დაუყოვნებლივ გათავისუფლდება", - განაცხადა ხორხე როდრიგესმა, რომელიც პარლამენტის თავმჯდომარესთან ერთად, ვენესუელის დროებითი პრეზიდენტის ძმაა.

კარაკასმა ეს გადაწყვეტილება იმ ფონზე მიიღო, როდესაც ხუთშაბათს, რესპუბლიკელ კანონმდებლებს აშშ-ის პრეზიდენტმა დონალდ ტრამპმა დახურულ კარს მიღმა უთხრა, რომ ვენესუელაში წამების საკნები გაუქმდებოდა. 

ვენესუელის ადამიანის უფლებათა დამცველი ორგანიზაციის თანახმად, ამჟამად ციხეში 806 პოლიტიკური პატიმარი იმყოფება. 

პოლიტპატიმრების გათავისუფლებაზე ვენესუელის დღევანდელ გადაწყვეტილებას უკვე გამოეხმაურა დონალდ ტრამპი. მან ამას "მნიშვნელოვანი და ჭკვიანური ჟესტი" უწოდა.

"აშშ და ვენესუელა კარგად თანამშრომლობენ, განსაკუთრებით მათი ნავთობისა და ბუნებრივი აირის ბევრად უფრო დიდი, უკეთესი და მეტად თანამედროვე ფორმით აღდგენის საკითხში.

ამ თანამშრომლობის გამო მე გავაუქმე წარსულში დაგეგმილი იერიშების მეორე ტალღა, რაც, როგორც ჩანს, აღარ იქნება საჭირო, თუმცა, ყველა ხომალდი ადგილზე დარჩება უსაფრთხოების მიზნით", - დაწერა დონალდ ტრამპმა Truth Social-ზე. 

როსიო  სან მიგელი, რომელიც ერთ-ერთი პირველი გაათავისუფლეს, ნიკოლას მადუროს აქტიური კრიტიკოსი იყო - ის 2024 წელს დააპატიმრეს და მას ბრალად ედებოდა მაშინდელი პრეზიდენტის მკვლელობის შეთქმულებაში მონაწილეობა, სახელმწიფო ღალატი და ტერორიზმი.

ვენესუელაში ჯერ კიდევ პატიმრობაში რჩებიან უფლებადამცველი ორგანიზაციების წევრები და დამფუძნებლები.  

ვენესუელის ოპოზიცია და უფლებადამცველი ჯგუფები წლების განმავლობაში აცხადებდნენ, რომ მთავრობა დაკავებებს განსხვავებული აზრის ჩასახშობად და კრიტიკოსების გასაჩუმებლად იყენებდა.

ვენესუელის მთავრობა პოლიტპატიმრების არსებობას უარყოფდა და ირწმუნებოდა, რომ ისინი რეალური დანაშაულებისთვის იყვნენ დაკავებულები.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს