2023-03-15 17:43:05, 1384 ნახვა
რეგიონი
კასპის საფეხბურთო სკოლას კლუბ "დინამო თბილისის" აკადემია სტუმრობდა
წელს კასპში, "დინამო თბილისის" აკადემიის მიერ პროგრამის - "საფეხბურთო ყურადღება რეგიონებს" ფარგლებში ერთი სავარჯიშო ჯგუფი გაიხსნა. აღნიშნულის შესახებ ინფორმაციას კასპის მუნიციპალიტეტის მერია ავრცელებს.
უწყების ცნობით, აკადემიის დირექტორი ლევან გვანცელაძე, რეგიონის კურატორი პაატა მეტრეველი და მენეჯერი გია ისიანი ჯგუფის ვარჯიშს დაესწრნენ, მოგვიანებით კი მწვრთნელებს - შავლეგ მაჭარაშვილსა და ნიკა ლეკვეიშვილს გადამზადების სპეციალური კურსის დასრულების დამადასტურებელი სერტიფიკატები გადასცეს.
შეხვედრას კასპის მუნიციპალიტეტის მერი ვახტანგ მაისურაძე და მუნიციპალიტეტის საკრებულოს თავმჯდომარე შოთა ბეგლარაშვილი დაესწრნენ. როგორც ვახტანგ მაისურაძემ აღნიშნა, მერია ყოველთვის მზადაა სპორტისა და ჯანსაღი ცხოვრების წესის პოპულარიზაციის ხელშეწყობისთვის.
ავტორი: NS (სტატია დაფინანსებულია),
epn.ge (@expressnews.ge)
