დეველოპერული კომპანიის „m² უძრავი ქონება“ სამეთვალყურეო საბჭოს თავმჯდომარის ირაკლი ბურდილაძის განცხადებით, უძრავი ქონების ბაზრით მოსახლეობის დაინტერესება გაიზარდა.

როგორც ბურდილაძემ „ექსპრესნიუსთან“ საუბარში აღნიშნა, ლარის გაუფასურების გამო გაყიდვები დროებით შემცირებული იყო, თუმცა დასტაბილურების შემდეგ ინტერესმა კვლავ იმატა.

„ლარის გაუფასურებამ გარკვეული შეფერხებები, შენელება გამოიწვია გაყიდვებში. დაახლოებით იგივე ტემპით შენელდა გაყიდვები, რა ტემპითაც ლარი დოლართან მიმართებაში დაეცა, ანუ 30%-ზე არის საუბარი. ზაფხულში ორი ახალი პროექტის გაშვებას ვაპირებთ, ვამუშავებთ ე.წ. Waiting list-ს იმ ხალხისთვის, რომლებიც სიაში არიან ჩაწერილები და ეს გვაჩვენებს, რომ ინტერესი ძალიან დიდია. ბოლო ხანებში ლარის კურსის დასტაბილურებამ გამოიწვია ის, რომ ინტერესი გაიზარდა. გაყიდვების ოფისებში გაიზარდა ვიზიტების, ზარების რაოდენობაც. გაყიდვების შენელებაზე გავლენას ახდენდა არა ლარის კურსის დაცემა, არამედ ის, რომ კურსი არასტაბილური იყო და ერთ ნიშნულზე არ იყო გაჩერებული“, - განაცხადა ირაკლი ბურდილაძემ. მისივე განმარტებით, ეროვნული ვალუტის რყევას საცხოვრებელ ბინებზე ფასის კორექტირება არ გამოუწვევია. „ფასების დაკორექტირება არ მომხდარა არც ზრდის და არც შემცირების მიმართულებით, ფასები იგივე დონეზეა. ამ კუთხით სერიოზულ ცვლილებას არ ველოდებით. ვვარაუდობთ, რომ უძრავ ქონებაზე წელს მოთხოვნა იგივე იქნება ან ოდნავ გაიზრდება, მომავალ წელს კი ზრდას ვვარაუდობთ“, - აღნიშნა ბურდილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება