„თავისუფალმა დემოკრატებმა“ კომიტეტების თავმჯდომარის პოსტები დატოვეს.

ამის შესახებ განცხადება პარტიის ოფისში გაკეთდა.

კომიტეტის თავმჯდომარეების პოსტები თავისი სურვილით დატოვეს ევროპასთან ინტეგრაციის კომიტეტის თავმჯდომარე ვიქტორ დოლიძემ,  ბუნებრივი რესურსების კომიტეტის თავმჯდომარე გიორგი ცაგარეიშვილმა და საფინანსო-საბიუჯეტო კომიტეტის თავმჯომარე დავით ონოფრიშვილმა.

როგორც პარლამენტის ფრაქცია თავისუფალი დემოკრატების წევრმა ვიქტორ დოლიძემ განაცხადა, „თავისუფალი დემოკრატები“ აღარ შეუქმნიან უმრავლესობას უხერხულობას და თავად ტოვებენ თანამებობებს.

„ბოლო პერიოდში ოცნების მიერ მიღებულ მცირერიცხვოვან გადაწყვეტილებათაგან, ერთ-ერთი  სწორედ ზურაბ აბაშიძის ვიცე სპიკერობის თანამდებობიდან გადაყენება აღმოჩნდა. ამასთანავე, როგორც აღმასრულებელი, ისევე საკანონმდებლო ხელისუფლების  ცალკეული წარმომადგენლების მხრიდან, ბოლო პერიოდში გაკეთებული უაღრესად საგანგაშო  განცხადებები, გვიქმნის საფუძვლიან ეჭვს, რომ ხელისუფლება ამოფარებული ომახიან დეკლარაციებს ხალხის ევროპული და ევროატლანტიკური არჩევანის ურყეობის შესახებ, მიზანმიმართულად ახორციელებს რუსეთის მისამართით კაპიტულანტური შინაარსის გზავნილების გაჟღერებას. სრული საფუძველი გვაქვს ვიფიქროთ, რომ ეს არ არის მხოლოდ განცხადებები და მათ მოკლე დროში ქვეყნისთვის საზიანო შედეგები მოჰყვება“,-განაცხადა ვიქტორ დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი