იმის დასადასტურებლად, რომ უკრაინელებს ვაჩვენოთ, როგორ ვდგავართ მათ გვერდით,   კიევში მივდივართ ყველა, ვინც თვითმფრინავში ჩავეტევით, - ამის შესახებ საქართველოს პრეზიდენტმა გიორგი მარგველაშვილმა საზოგადოებრივი მაუწყებლის პირდაპირ ეთერში განაცხადა.

როგორც პრეზიდენტმა აღნიშნა, მიხეილ სააკაშვილის და სხვალ ყოფილი მაღალჩინოსნების უკრაინაში დანიშვნა უხერხულობებს ქმნის, თუმცა ქვეყნებს შორის ურთიერთობებს საფრთხე არ ემუქრება.

"მარგველაშვილს, სააკაშვილს, პოროშენკოს, იაცენიუკის ზევითაა ჩვენი ქვეყნების მეგობრობა და ძმობა. უხერხულობები  შეიქმნება, თუმცა განსაკუთრებით ამ პერიოდში, როდესაც უკრაინა დაძაბულ ვითარებაშია, რაც შეიძლება ისე უნდა მოვემსახუროთ ამ უხერხულობებს, რომ ეს არ იყოს მძაფრი. რა თქმა უნდა, უხერხულობები არის, მაგრამ ურთიერთობებს საფრთხე ნამდვილად არ ემუქრება. ამის დასადასტურებლად მივდივართ ყველა ვინც თვითმფრინავში ჩავეტევით, რომ უკრაინელებს ვაჩვენოთ, როგორ ვდგავათ მათ გვერდით", - განაცხადა მარგველაშვილმა.

რაც შეეხება კიევში გასამგზავრებელი დელეგაციის შემადგენლობას, პრეზიდენტის თქმით, მასში საპარლამენტო უმრავლესობისა, უმცირესობის წევრები და აღმასრულებელი ხელისუფლების წარმომადგენლები შედიან.

„ უკრაინას უჭირს და ბუნებრივია, ქართული სახელმწიფო, ქართული საზოგადოება უკრაინელების გვერდით დგას. მხარს უჭერს მათ თავისი ტერიტორიული მთლიანობის, სუვერენიტეტისა და დამოუკიდებელი არჩევანის დაცვაში. დელეგაციაშიც სწორედ ამ აქცენტით ვიქნებით ჩვენ გაერთიანებულები. მასში იქნებიან საპარლამენტო უმრავლესობის, უმცირესობის წარმომადგენლები, აღმასრულებელი შტო. მაქსიმალურად შევეცდებით ჩვენი ვიზიტით უკრაინელებს ვაჩვენოთ, რომ უკრაინის ხალხის და სახელმწიფოს მხარდაჭერა ქართველი ხალხის ნათელი გზავნილია და არა რომელიმე პოლიტიკური ჯგუფის", - განაცხადა მარგველაშვილმა.

შეგახსენებთ, საქართველოს დელეგაცია პრეზიდენტის ხელმძღვანელობით უკრაინას 22 თებერვალს ეწვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი