კვირას აშშ-სა და უკრაინას შორის მოლაპარაკებები სამშვიდობო შეთანხმების ფარგლებში რუსეთთან დე ფაქტო საზღვრის განსაზღვრას ეხებოდა, განუცხადა Axios-ს ორმა უკრაინელმა ოფიციალურმა პირმა. მათ ხუთსაათიან შეხვედრას „რთული“ და „დაძაბული“, მაგრამ პროდუქტიული უწოდეს.

გამოცემა იხსენებს, რომ რუსეთის პრეზიდენტი ვლადიმერ პუტინი, რომელიც სამშაბათს აშშ-ის პრეზიდენტის წარმომადგენელ სტივ ვიტკოფს შეხვდება, ამტკიცებს, რომ რუსეთი მანამ არ გაჩერდება, სანამ მთელ დონბასს არ აიღებს კონტროლს.

Axios იუწყება, რომ აშშ-ს სურს, უკრაინამ ეს ტერიტორიები დათმოს, რათა პუტინი მშვიდობის დამყარებაზე დაარწმუნოს, მაგრამ ეს უკრაინისთვის „მტკივნეული და პოლიტიკურად ასაფეთქებელი დათმობა“ იქნებოდა.

გამოცემის ცნობით, ერთსაათიანი გაფართოებული მოლაპარაკებების შემდეგ, შეხვედრა თითოეული მხრიდან სამ-სამი წარმომადგენლით გაგრძელდა. ორი უკრაინული წყაროს ცნობით, ტერიტორიული კონტროლის ხაზი პრაქტიკულად ერთადერთ განხილულ საკითხად დარჩა.

ავტორი: ექსპრესნიუსი,

სოციალური ქსელები

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა

ნავთობის ფასები კვლავ ეცემა, - Reuters