აშშ-ის პრეზიდენტმა დონალდ ტრამპმა ფინეთის პრეზიდენტი ალექსანდრ სტაბი ოვალურ კაბინეტში მიიღო და ჟურნალისტების კითხვებზე პასუხის გაცემისას უკრაინაში ომის შეჩერების მცდელობებზე ისაუბრა. მან თქვა, რომ აშშ და მისი მოკავშირეები ზრდიან ზეწოლას რუსეთზე მას შემდეგ, რაც რუსეთის პრეზიდენტთან შეთანხმების მიღწევის მისმა მცდელობებმა სასურველი შედეგი ვერ გამოიღო.

„დიახ, ჩვენ ვზრდით ზეწოლას“, - ციტირებს AFP ტრამპის სიტყვებს. „ჩვენ ერთად ვზრდით. ჩვენ ყველანი ერთად ვზრდით. ნატო შესანიშნავია“.

ალექსანდრ სტაბი ცნობილია ტრამპთან თბილი ურთიერთობით (https://www.bbc.com/russian/articles/c987gxx762yo). ითვლება, რომ მან მნიშვნელოვანი გავლენა მოახდინა ამერიკის პრეზიდენტზე, რომელიც სკეპტიკურად იყო განწყობილი უკრაინისა და ნატოს მიმართ.

ტრამპმა ისიც კი თქვა, რომ არ აპირებს ამერიკული ჯარების ევროპიდან გაყვანას, პოზიციას, რომელსაც მისი ადმინისტრაციის ბევრი წევრი უჭერს მხარს. „ევროპაში ბევრი ჯარისკაცი გვყავს, როგორც იცით, ბევრი და შეგვიძლია მათი მცირედით გადაყვანა, მაგრამ საერთო ჯამში, არა, ჩვენ ყველაფერს ისე დავტოვებთ, როგორც არის“, - ციტირებს ტრამპის სიტყვებს „როიტერი“.

როდესაც სააგენტომ ჰკითხა, დააწესებდა თუ არა აშშ ახალ სანქციებს რუსეთის წინააღმდეგ (მათ არ დაუწესებიათ მას შემდეგ, რაც ტრამპმა თანამდებობა დაიკავა), ტრამპმა უპასუხა: „შესაძლოა, დავუწესო“.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს