2016-03-23 12:07:16, 1131 ნახვა
მსოფლიო
ევროპის აეროპორტებში ისევ გაძლიერებული ზომები მოქმედებს
ევროპის აეროპორტებში კვლავ უსაფრთხოების გაძლიერებული ზომები მოქმედებს. ცოტა ხნის წინ გავრცელდა ცნობა, რომ საფრანგეთის ქალაქ ტულუზის აეროპრორტიდან მგზავრების ევაკუაცია განხორციელდა. თუმცა მიზეზი არ კონკრეტდება.
უსაფრთხოების გაძლიერებული ზომებია შეერთებულ შტატებშიც, კონკრეტულად კი დენვერის აეროპორტში, სადაც ხალხი ტერმინალებიდან საეჭვო პაკეტის გამო გაიყვანეს.
ამასთანავე ამერიკის სახელმწიფო დეპარტამენტი ევროპაში მყოფ თავის მოქალაქეებს მოსალოდნელი ტერაქტების შესახებ აფრთხილებს.
უწყებაში აცხადებენ, რომ გარკვეული დაჯგუფებები კვლავ გეგმავენ თავდასხმებს ევროპის სხვადასხვა ქვეყანაში. ძირითადი სამიზნე საზოგადოებრივი ტრანსპორტი, სპორტული ღონისძიერბები და ტურისტული ზონებია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
