საქართველოს თავდაცვის სამინისტროს შემეცნებით-საგანმანათლებლო ცენტრში  სამეთაურო საშტაბო სწავლება “INFO 2015”- ის დასრულებისადმი მიძღვნილი ცერემონიალი გაიმართა.

თავდაცვის სამინისტროს ინფორმაციით, მონაწილეებს სწავლების დასრულება საქართველოს თავდაცვის მინისტრის პირველმა მოადგილემ გოჩა რატიანმა და  უშიშროების საბჭოს მდივნის მოადგილემ თეონა აქუბარდიამ მიულოცეს. მათ მონაწილეებს წარმატებები უსურვეს და სწავლების დასრულების სერთიფიკატები გადასცეს.

„INFO 2015" სამეთაურო-საშტაბო სწავლების „დიდგორი 2015" მოსამზადებელ ეტაპს წარმოადგენს. „INFO 2015" გენერალური შტაბის J-3 ოპერატიული დაგეგმვის დეპარტამენტის საინფორმაციო ოპერაციების განყოფილების ინიციატივით პირველად ჩატარდა და კრიზისულ და საომარ ვითარებაში საინფორმაციო ოპერაციებთან დაკავშირებული სამსახურების კოორდინაციას ისახავდა მიზნად. ხუთდღიანი სწავლების ფარგლებში, მონაწილეებმა კრიზისული ვითარების დროს საინფორმაციო მოქმედებები დაგეგმეს და განახორციელეს.

უწყების ცნობით, წვრთნებში აქტიურად იყო ჩართული კიბერუსაფრთხოების ბიურო, რომელმაც სიმულაციური ოპერაციებისას ინფორმაციული უსაფრთხოება და ტექნიკური მხარდაჭერა უზრუნველყო. შესაბამისი უწყებების რესურსის გამოყენებით გამოვლინდა და დამუშავდა კიბერსივრცეში ოპერაციების წარმოების შესაძლებლობები.

სწავლებაში  საქართველოს თავდაცვის სამინისტროსა და გენერალური შტაბის სხვადასხვა სამსახური, შინაგან საქმეთა და საგარეო საქმეთა სამინისტროები,  სახელმწიფო დაზვერვის დეპარტამენტი, ეროვნული უშიშროების საბჭო, კრიზისებისა და ეროვნული უსაფრთხოების საბჭოს წარმომადგენლები მონაწილეობდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო