საბერძეთის პრემიერ-მინისტრი ალექსის ციპრასი დარმწუნებულია, რომ რეფერენდუმის შედეგად, მოსახლეობა გადაწყვეტს,  რომ კრედიტორების მიერ წამოყენებული პირობები არ მიიღოს.

"ბერძენი ერი გზავნის დემოკრატიის მესიჯს საკუთარი თავმოყვარეობის შესახებ. ბევრმა შეიძლება არ მიაქციოს ყურადღება მთავრობის სურვილს, მაგრამ ნუ დააიგნორებთ მას. ჩვენი მოსახლეობის სურვილია, იცხოვროს თავისუფლად.დარწმუნებული ვართ, გავიმარჯვებთ და მივაღწევთ იმას, რომ ევროპამ პატივი სცეს ჩვენს არჩევანსა და სურვილს, რაც  უკეთეს პირობებში ცხოვრებაში გამოიხატება",-განაცხადა საბერძნეთის პრემიერ-მინისტრმა.

ცნობისთვის, საბერძნეთში  რეფერენდუმი მიმდინარეობს,  რომლითაც მოსახლეობა გადაწყვეტს, მიიღოს თუ არა კრედიტორების მიერ წამოყენებული პირობები. ფინანსთა მინისტრმა რამდენიმე დღის წინ განაცხადა, რომ აღნიშნული პირობების მიღების შემთხვევაში, ის თანამდებობას დატოვებს.

ანის ვარუფაკისმა კრედიტორები ბერძნების „ტერორიზირებაში“ დაადანაშაულა და აღნიშნა, რომ ევროპა ტრილიონ ევროს დაკარგავს, თუკი საბერძნეთის კოლაფსს დაუშვებს.

მემარცხენე მინისტრმა  საზოგადოებას კრედიტორთა გეგმის უარყოფისაკენ მოუწოდა და უგულებელყო ქვეყნის ევროპელი პარტნიორების გაფრთხილება იმის შესახებ, რომ კრედიტორთა პირობების გაუთვალისწინებლობის შემთხვევაში საბერძნეთმა, შესაძლოა, ევროზონა დატოვოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს