2016-11-12 16:15:43, 1507 ნახვა
პოლიტიკა კომენტარი
კვაჭანტირაძე: ბიუჯეტში აქცენტი გაკეთდება სახელმწიფო სექტორში ხარჯების, მათ შორის პრემიების შემცირებაზე
„ქართული ოცნების“ წევრის, ზვიად კვაჭანტირაძის განცხადებით, სახელმწიფო სექტორში ხარჯების, მათ შორის პრემიების შემცირებაზე მომდევნო წლის ბიუჯეტში მნიშვნელოვანი აქცენტი გაკეთდება.
როგორც კვაჭანტირაძემ აღნიშნა, ბიუჯეტზე დღეს გაფართოებული ფორმატის შეხვედრაზე იმსჯელეს.
“შეხვედრის მთავარი საკითხი მეცხრე მოწვევის პარლამენტის პირველი სხდომისთვის მზდება იყო. რა თქმა უნდა, შევეხეთ ბიუჯეტის საკითხებსაც. მომავალი წლის ბიუჯეტი იქნება მორგებული ჩვენი ქვეყნის საჭიროებებზე, იმ გამოწვევებზე, რომელიც დგას ქვეყნის ეკონომიკის წინაშე და იმ დაპირებებზე, რომელიც „ქართული ოცნების“ გუნდის მიერ წინასაარჩევნოდ გაიცა“, - განაცხადა კვაჭანტირაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
