საქართველოს პრეზიდენტმა გიორგი მარგველაშვილმა აშშ–ში დაღუპული კურსანტების ოჯახებსა და ახლობლებს მიუსამძიმრა.

როგორც პრეზიდენტმა ქაშუეთის ტაძრის ეზოში ჟურნალისტებს განუცხადა, ახალგაზრდა ადამიანის გარდაცვალება მძიმეა, მაგრამ, მისივე თქმით, განსაკუთრებით მძიმეა, როდესაც იღუპება ადამიანი, ვისაც შეეძლო, საკუთარი ქვეყნის სიძლიერეში განსაკუთრებული წვლილი შეეტანა. 

„მძიმეა, როდესაც ახალგაზრდა ამ ქვეყნიდან მიდის.  განსაკუთრებით მძიმეა, როდესაც ადამიანი,  ვისაც შეეძლო ქვეყნის სიძლიერეში, მის მომავალში  მნიშვნელოვანი როლი ეთამაშა, განგებამ ასე წაიყვანა ჩვენგან.  ჩვენ ვგლოვობთ მათი ოჯახის წვერებთან და მთელ საქართველოსთან ერთად“, – განაცხადა მარგველაშვილმა. 

ქაშუეთის წმინდა გიორგის სახელობის ეკლესიაში  ნიუ-ჯერსიში  დაღუპული ქართველი კურსანტების პატივსაცემად სამოქალაქო პანაშვიდი იმართება.

ტაძარში, მოქალაქეებთან ერთად ქვეყნის მინისტრებიც მიდიან. 

ამ დროისთვის, ეკლესიაში თავდაცვის მინისტრი მინდია ჯანელიძე, საგარეო საქმეთა მინისტრი თამარ ბერუჩაშვილი, ასევე,  „თავისუფალი დემოკრატების“ ერთ–ერთი ლიდერი ალექსი პეტრიაშვილი, აშშ–ს ელჩი რიჩარდ ნორლანდი იმყოფებიან. 

ქაშუეთის ეკლესიიდან სოსო მაკარიძეს თერჯოლაში, ბესარიონ გორჯოლაძეს კი, კასპის რაიონში, საკუთარ ოჯახებში გადაასვენებენ. 

რიგითები - სოსო მაკარიძე და ბესარიონ გორჯოლაძე ნიუ-ჯერსის შტატში მომხდარი ავტოავარიის შედეგად დაიღუპნენ. ქართველი კურსანტების სამშობლოში გადმოსვენებისა და დაკრძალვის ხარჯებს საქართველოს თავდაცვის სამინისტრო ფარავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი