სოციალური ქსელი Facebook-ი Messenger-ში დაშიფრული შეტყობინებების გაგზავნის ფუნქციის შექმნაზე მუშაობს, - ამის შესახებ ინფორმაციას Tass-ი ავრცელებს. 

მედია საშუალების ინფორმაციით, ახალი ფუნქციის ტესტირება 8 ივლისს დაიწყო.

როგორც სოციალური ქსელის განცხადებაშია ნათქვამი, ახალი ფუნქციის “საიდუმლო საუბრების” (Secret Conversation) გამოყენებისას, მომხმარებელს შეეძლება, მიუთითოს დრო, რომლის განმავლობაშიც ადრესატი გაგზავნილი შეტყობინების ნახვას შეძლებს. მითითებული დროის ამოწურვის შემდეგ, ტექსტი გაქრება და მიუწვდომელი გახდება. 

Messenger-ის მომხმარებელი თავად გადაწყვეტს, სურს მას ჩვეულებრივი მიმოწერა, თუ დამატებითი დაცვის მექანიზმიანი ჩატის გამოყენება.

ამასთან, კომპანია Facebook-ის ხელმძღვანელები აღნიშნავენ, რომ Messenger-ში მიმოწერა, ხმოვანი შეტყობინებები და ზარები ახლაც დაცულია. თუმცა გარკვეული საკითხების განხილვისას მომხმარებელთა ნაწილს დამატებითი დაცვა სურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ

გვარამია:ავტორიტარმა უნდა მიიღოს რისიც ეშინია, ამიტომ, 26 მაისს ყველანი რუსთაველზე

სანიკიძე: ცოტნე მამაშენია ის მოძალადე, რომელსაც უნდა გაემიჯნო