„თავისუფალი დემოკრატების“ წევრებმა პარლამენტის კომიტეტის თავჯდომარეობის პოსტის დატოვების შესახებ ბიუროს ოფიციალური განცხადებით უნდა მიმართონ. 

როგორც ჟურნალისტებს პარლამენტის საპროცედურო საკითხთა კომიტეტის თავჯდომარემ გიორგი კახიანმა განუმარტა, ბიურო ამ ინფორმაციას პარლამენტს პლენარულ სხდომაზე მიაწვდის. ამის შემდეგ კი, „თავისუფალი დემოკრატების“ წევრები კომიტეტების თავჯდომარის პოსტებს ოფიციალურად დატოვებენ. 

„კომიტეტის თავჯდომარეებმა გადადგომის თაობაზე  ზეპირი განცხადება გააკეთეს, თუმცა, პროცედურულად მათ განცხადებით უნდა მიმართონ პარლამენტის ბიუროს, შემდეგ ბიურო  ამ ინფორმაციას მიაწვდის პარლამენტს პლენარულ სხდომაზე და ამ მომენტიდან უკვე ითვლება, რომ ისინი  პარლამენტის კომიტეტის თავჯდომარეობიდან გადამდგარები არიან.  ისინი სავარაუდოდ შემდეგ ბიუროზე  განცხადებებს უკვე წარმოადგენენ“, – აღნიშნა კახიანმა. 

მისივე თქმით, კომიტეტების ახალი თავჯდომარეების საკითხი სავარაუდოდ 2 კვირის განმავლობაში განიხილება. 

ცნობისთვის, თავისუფალმა დემოკრატებმა“ კომიტეტების თავმჯდომარის პოსტები დატოვეს.  კომიტეტის თავმჯდომარეების პოსტები თავისი სურვილით დატოვეს ევროპასთან ინტეგრაციის კომიტეტის თავმჯდომარე ვიქტორ დოლიძემ,  ბუნებრივი რესურსების კომიტეტის თავმჯდომარე გიორგი ცაგარეიშვილმა და საფინანსო-საბიუჯეტო კომიტეტის თავმჯომარე დავით ონოფრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი