საქართველოს თავდაცვის მინისტრი თინათინ ხიდაშელი ალგეთის საწვრთნელ ბაზაზე მყოფ რეკრუტებს მოულოდნელად ესტუმრა.

თავდაცვის უწყების ინფორმაციით, მინისტრმა მომავალ ჯარისკაცებს სიტყვით მიმართა. თინა ხიდაშელთან ერთად ალგეთში წვრთნებისა და სამხედრო განათლების სარდალი, პოლკოვნიკი მალხაზ მაკარაძე და ნატო-საქართველოს წვრთნისა და შეფასების ერთობლივი ცენტრის მეთაური, პოლკოვნიკი გრიგოლ ჭელიძე იმყოფებოდნენ. საწყისი საბრძოლო მომზადების ცენტრის მეთაურმა პოლკოვნიკმა მამუკა ქავთარაძემ თავდაცვის მინისტრს საწვრთნელი ბაზა ალგეთის ინფრასტრუქტურა დაათვალიერებინა და რეკრუტების მომზადების პროგრამა გააცნო.

ვიზიტის დასასრულს თავდაცვის მინისტრი თინათინ ხიდაშელი, რეკრუტებს, მათ შორის იმ პანკისელ ახალგაზრდებს შეხვდა, რომლებმაც საკონტრაქტო სამხედრო სამსახურში ჩართვა გადაწყვიტეს.

თავდაცვის უწყების ცნობით, საწყისი საბრძოლო მომზადება, ამჯერად, გაუმჯობესებული პროგრამით მიმდინარეობს. სასწავლო პროგრამა მორგებულია ქვედანაყოფების მოთხოვნილებებს და მისი შედგენისას გათვალისწინებულია ნატოს სტანდარტები.საწყისი საბრძოლო მომზადება 10 კვირის განმავლობაში გაგრძელდება. მომზადების დასრულების შემდეგ რეკრუტები სამხედრო ფიცს საქართველოს დამოუკიდებლობის დღისადმი მიძღვნილ ცერემონიალზე დადებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი