საქართველოს პრეზიდენტმა გიორგი მარგველაშვილმა საქართველოს ევროატლანტიკურ ინტეგრაციაში და აშშ-სა და საქართველოს შორის თვადაცვის სფეროში ორმხრივი ურთიერთობის გაღრმავების საქმეში შეტანილი მნიშვნელოვანი წვლილისათვის აშშ-ს შეიარაღებული ძალების ევროპის სარდლობის მეთაური, ევროპაში ნატოს შეიარაღებული ძალების უმაღლესი სარდალი გენერალი ფილიპ მარკ ბრიდლავი ოქროს საწმისის ორდენით დააჯილდოვა.

„დღეს ჩვენ ვმასპინძლობთ მეგობარს, რომელსაც არაერთხელ ღია განცხადებებით მტკიცედ გამოუხატავს მხარდაჭერა საქართველოს ტერიტორიული მთლიანობის საკითხში. ალიანსთან საქართველოს სამხედრო თანამშრომლობის ხელშეწყობის საკითხში, როგორც ევროპული სარდლობის უმაღლესი მთავარსარდლის, გენერალ ბრიდლავის როლი გადამწყვეტი მნიშვნელობის იყო", - აღნიშნა საქართველოს პრეზიდენტმა გიორგი მარგველაშვილმა.

დაჯილდოების ცერემონიას ესწრებოდნენ საქართველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი ირინე იმერლიშვილი, აშშ-ს ელჩი იან კელი, საქართველოს თავდაცვის მინისტრი თინა ხიდაშელი, გენშტაბის უფროსი გენერალ - მაიორი ვახტანგ კაპანაძე და პრეზიდენტის მრჩევლები.

დაჯილდოების ცერემონიის შემდეგ სამუშაო ვახშამი გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო