ამერიკის შეერთებული შტატების თავდაცვის მინისტრი ეშტონ კარტერი რუსეთს აშშ-ის უსაფრთხოების გლობალურ-სტრატეგიული გამოწვევების სიის სათავეში ასახელებს, - ამის შესახებ ინფორმაციას Reuters ავრცლეებს.

ეს განცხადება კარტერმა კომიტეტის სხდომაზე სიტყვით გამოსვლისას გააკეთა.

კარტერმა აშშ-ის ხუთი გლობალურ-სტრატეგიული გამოწვევა დაასახელა: რუსეთი, ჩინეთი, ჩრდილოეთ კორეა, ირანი და ტერორიზმი.

"სწორედ ამ გამოწვევების მიხედვით გეგმავს ბიუჯეტს თავდაცვის უწყება", - წერია პენტაგონის პრეს-რელიზში.

ამასთან ერთად, ეშტონ კარტერმა რუსეთი და ჩინეთი იმ მოწინაღმდეგეებად დაასახელა, რომლებსაც განვითარებული აქვთ სამხედრო სისტემა და აგრძელებენ მის განვითარებას.

"ეს კი, რამდენიმე სფეროში აშშ-ის უპირატესობის წინააღმდეგაა მიმართული. დღევანდელი მდგომარეობა მკვეთრად განსხვავდება იმისგან, რაც იყო ბოლო 25 წლის მანძილზე. ის ახალ ინვესტიციებსა და ქმედებებს მოითხოვს",- განუცხადა ეშტონ კარტერმა სენატორებს.

როგორც პენტაგონში აცხადებენ, ახალი საბაზო ბიუჯეტისთვის საჭიროა თითქმის 600 მილიარდი დოლარი, აქედან 60 მილიონამდე - მხოლოდ საგარეო სამხედრო ოპერაციებისთვის უნდა იყოს გათვალისწინებული.

აშშ-ის არმიის პრეს-სპიკერის პატრიკ მერფის განცხადებით, პენტაგონის ახალი, 2017 წლის ბიუჯეტი "მინიმალურად ადეკვატურია".

როგორც მედია საშუალება იტყობინება, პრეზიდენტი ბარაკ ობამას სამხედრო ბიუჯეტის ხარჯების შემცირება 27 მილიარდი დოლარით სურდა, რამაც შესაძლოა შეიარაღების პროგრამის ნაწილის შემცირება გამოიწვიოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს