კვერენჩხილაძე: ჯონი ხეცურიანი სიაში არაა, რადგან სატელევიზო ფორმატში დასახელდა და ჩვენთან წერილობითი წარდგინება არ მომხდარა

2015-02-10 15:50:03, 534 ნახვა

პოლიტიკა

პრეზიდენტის საპარლამენტო მდივნის გიორგი კვერენჩხილაძის განცხადებით, უზენაესი სასამართლოს თავმჯდომარის თანამდებობაზე "ლეიბორისტული პარტიის" მიერ დასახელებული ჯონი ხეცურიანის კანდიდატურა სიაში იმიტომ არ არის, რომ მისი წარდგენა სატელევიზიო ფორმატში მოხდა და ადმინისტრაციაში წერილობითი განაცხადი არ შესულა.

"სიაში არ არის იმიტომ, რომ ჯონის დასახელება მოხდა სატელევიზიო ფორმატში "ლეიბორისტების" მიერ და გარკვეული სხვა ჯგუფების მიერ. თუმცა წერილობითი წარდგინება და ადასახელება ოფიციალურად ადმინისტრაციაში არ მომხდარა",-განაცხადა გიროგი კვერენჩხილაძემ.

ცნობისთვის, საზოგადოების წარმომადგენლების მიერ უზენაესი სასამართლოს თავმჯდომარეობის კანდიდატურების დასახელების ეტაპი 9 თებერვალს დასრულდა.

36 ეარდგენილ პირთაგან, რვამ თავისი კანდიდატურის განხილვაზე უარი განაცხადა.

უზენაესი სასამართლოს მოქმედ თავმჯდომარეს უფლებამოსილება 23 თებერვალს ეწურება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან