საქართველოს შეიარაღებული ძალების დღეს, თავდაცვის მინისტრმა მინდია ჯანელიძემ, გენერალური შტაბის უფროსმა, გენერალ-მაიორმა ვახტანგ კაპანაძემ და თავდაცის მინისტრის პირველმა მოადგილემ, გოჩა რატიანმა შინდისის ბრძოლაში დაღუპული გმირების ხსოვნას პატივი მიაგეს.

თავდაცვის სამინისტროს ინფორმაციით, სოფელ შინდისში, მემორიალთან, დაღუპული გმირების ოჯახის წევრებიც იმყოფებოდნენ.

გმირების ხსოვნისადმი პატივის მისაგებად თბილისის ვიცე-მერი ირაკლი ლექვინაძე, შიდა ქართლის გუბერნატორი ზურაბ რუსიშვილი, გორის მუნიციპალიტეტის გამგებელი დავით ონიაშვილი, გორისა და სამთავისის ეპარქიის წარმომადგენლებიც იმყოფებოდნენ. ატენისა და გორის მიტროპოლიტმა მეფე ანდრიამ გმირულად დაღუპულთა სულის მოსახსენიებელი პანაშვიდი გადაიხადა.

თავდაცვის უწყების ხელმძღვანელმა პირებმა მემორიალთან გმირების სახელზე კვიპაროსის 17 ნერგი დარგეს. ასევე დაირგო სხვადასხვა ჯიშის დეკორატიული მცენარეებიც, რომლებიც თბილისის ბოტანიკურმა ბაღმა თავდაცვის უწყებას უსასყიდლოდ გადასცა.

შინდისში 2008 წლის 11 აგვისტოს II ქვეითი ბრიგადის 17 სამხედრო მოსამსახურე ერთ-ერთი ყველაზე მასშტაბური შეტაკების დროს გმირულად დაიღუპა. საბრძოლო შეტაკების ადგილას გმირთა მემორიალია აღმართული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს