ისრაელის თავდაცვის მინისტრმა ისრაელ კაცმა დაადასტურა ირანის მაღალი რანგის ოფიციალური პირის, ეროვნული უშიშროების ხელმძღვანელის ალი ლარიჯანის სიკვდილი.

თავდაცვის მინისტრის თქმით, ის გასულ ღამეს ირანში ისრაელის მიერ განხორციელებული საჰაერო დარტყმების შედეგად იქნა ლიკვიდირებული.

ალი ლარიჯანი მოკლული აიათოლა ალი ხამენეის უახლოესი პირი იყო. ის ირანელი მაღალჩინოსანია, რომელიც 10 მარტს აშშ-ის პრეზიდენტ დონალდ ტრამპს სიკვდილით დაემუქრა.

ამასთან, ისრაელის თავდაცვის ძალებში (IDF) ადასტურებენ, რომ ღამით ირანში განხორციელებული დარტყმების შედეგად ბასიჯის ძალების სარდალი გოჰლამ რეზა სოლეიმანი მოკლეს.

The Times Of Israel თავდაცვის ძალებზე დაყრდნობით წერს, რომ მისი ლიკვიდაცია იმ დროს განხორციელდა, როდესაც ის კარვების ბანაკში იმყოფებოდა, რომელიც ბასიჯმა ცოტა ხნის წინ მოაწყო.

ამასთან, ისრაელის თავდაცვის ძალებში აცხადებენ, რომ ამავე დარტყმების შედეგად ლიკვიდირებულია ბასიჯის მეთაურის მოადგილე და პარამილიტარული ძალის სხვა მაღალი რანგის ოფიციალური პირები.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს