შვედეთის საგარეო საქმეთა სამინისტრო მოუწოდებს “ოცნებას“, სრულად განახორციელოს ეუთოს “მოსკოვის მექანიზმის“ რეკომენდაციები.

ამის შესახებ შვედეთის საგარეო საქმეთა სამინისტროს მიერ გამოქვეყნებულ განცხადებაშია ნათქვამი.

„ადამიანის უფლებები, დემოკრატია და კანონის უზენაესობა ეუთოს ძირეულ პრინციპებსა და ვალდებულებას წარმოადგენს.

შვედეთი მიესალმება საქართველოს ადამიანის უფლებების მდგომარეობის შესახებ დამოუკიდებელი ექსპერტის შეფასებას და მოუწოდებს საქართველოს ხელისუფლებას, სრულად განახორციელოს ეუთოს „მოსკოვის მექანიზმის“ რეკომენდაციები“, - ნათქვამია განცხადებაში.

ეუთო მოსკოვის მექანიზმის ფარგლებში საქართველოს შესახებ ანგარიშს აქვეყნებს. დოკუმენტი იკვლევს საქართველოში 2024 წლის გაზაფხულიდან მიმდინარე მოვლენებს და შეიცავს რეკომენდაციებს.

ანგარიშში ნათქვამია, რომ მანდატით გათვალისწინებულ პერიოდში საქართველოში დემოკრატიული უკუსვლა დაფიქსირდა.

ანგარიშში აღნიშნულია, რომ დემონსტრანტების, პოლიტიკური ოპოზიციის ლიდერებისა და ჟურნალისტების მიმართ ძალადობას (ზოგიერთ შემთხვევაში წამების ტოლფასი) თან ახლდა პასუხისმგებელი პირების სრული დაუსჯელობა.

დოკუმენტში ნათქვამია, რომ მთავრობამ თანდათანობით შეზღუდა გამოხატვისა და შეკრების თავისუფლება, მიიღო ახალი კანონები, რომლებიც მიზნად ისახავს სამოქალაქო საზოგადოებას, პოლიტიკურ ოპოზიციას, დამოუკიდებელ მედიას და ლგბტ+ თემს.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული