ჩვენ დღეს ხმას ვაძლევთ იმისთვის, რომ ავაშენოთ ის ქვეყანა, რომელზეც ვოცნებობთ, - ამის შესახებ პრეზიდენტმა სალომე ზურაბიშვილმა საარჩევნო უბანზე ხმის მიცემის შემდეგ ჟურნალისტებს განუცხადა.

პრეზიდენტმა საქართველოს მოქალაქეებს დღევანდელი დღე მიულოცა.

„მე მინდა ყველას მოგილოცოთ დღევანდელი დღე, მნიშვნელოვანი დღე ამ ქვეყნისთვის. მე მივეცი ხმა ისევე, როგორ ყველა ჩვენი მოქალაქე დღეს მისცემს ხმას, ანუ თავისუფლად, წყნარად, რამდენადაც შეიძლება.

ჩვენ დღეს ხმას ვაძლევთ ყველანი იმისთვის, რომ ავაშენოთ ის ქვეყანა, რომელზეც ყველანი ვოცნებობთ, ეს არის ევროპული, დემოკრატიული ქვეყანა და დღეს არის კიდევ ერთ ნაბიჯი ამ მიმართულებით. მნიშვნელოვანია, რომ დღეს მოქალაქეები რთულ პირობებში აძლევენ ხმას, რასაც ჰქვია პანდემია და მიუხედავად ამისა, ყველას მინდა მოვუწოდო რომ მშვიდად მოვიდეს აქ, დაცულია ყველა ზომები იმისთვის, რომ ყველამ შეძლოთ მობრძანება და უბანზე თქვენი ხმის მიცემა. ნურაფრის ნუ გეშინიათ, თქვენ თავადაც დაიცავით დისტანცია, მე დარწმუნებული ვარ, რომ ეს ყველაფერი ძალიან კარგად ჩატარდება მშვიდობიანად და გისურვებთ, ხვალინდელი ქართული საზოგადოების და სახელმწიფოს დღეს’, -განაცხადა პრეზიდენტმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ