„ნატოს ოპერატიული შესაძლებლობების კონცეფციის შეფასებისა და უკუკავშირის პროგრამის (OCC E&F)“ ყოველწლიურ კონფერენციას საქართველო პირველად მასპინძლობს. 
თავდაცვის სამინისტროს ინფორმაციით, კონფერენციის მონაწილე ნატოსა და პარტნიორი ქვეყნების წარმომადგენლებს საქართველოს შეიარაღებული ძალების გენერალური შტაბის უფროსის პირველმა მოადგილემ, პოლკოვნიკმა ნიკოლოზ ჯანჯღავამ სიტყვით მიმართა. 
უწყების ინფორმაციით, გენერალური შტაბის უფროსის პირველმა მოადგილემ ყურადღება OCC E&F პროგრამაში საქართველოს მონაწილეობაზე გაამახვილა. 
კონფერენციაზე ხაზგასმით აღინიშნა, რომ საქართველოს OCC E&F პროგრამაში გაცხადებული ჰყავს ორი მსუბუქი ქვეითი ასეული, რომელთაგან ერთმა შეფასების ყველა ეტაპი სრულად გაიარა და ამ დროისთვის ნატოს რეაგირების ძალების (NRF) შემადგენლობაშია. 
მეორე მსუბუქი ქვეითი ასეული კი, 2018 წელს გაივლის შეფასების ბოლო ეტაპს, რის შემდეგაც ნატოს რეაგირების ძალების (NRF) შემადგენლობაში პირველ ასეულს ჩაანაცვლებს. 

პოლკოვნიკ ნიკოლოზ ჯანჯღავას შეფასებით, პროგრამა უზუნველყოფს მასში გაცხადებული ქვედანაყოფების ნატოსთან თავსებადობის გაზრდას. 

კონფერენციის მონაწილეებმა თანამშრომლობის მიღწევები დადებითად შეაფასეს და სამომავლო გეგმები განიხილეს. 

OCC E&F პროგრამის კონფერენცია ნატოს ეგიდით ყოველწლიურად იმართება სხვადასხვა პარტნიორ ქვეყანაში, რომელსაც გაცხადებული ჰყავს საკუთარი ქვედანაყოფები ნატოს ოპერატიული შესაძლებლობების კონცეფციის შეფასებისა და უკუკავშირის პროგრამაში. 
კონფერენცია სასტუმრო „ბილთმორში“ მიმდინარეობს და ხვალ დასრულდება.

(NS) 
 

ავტორი: ,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს