საქართველოს გარემოსა და ბუნებრივი რესურსების დაცვის მინისტრი, ელგუჯა ხოკრიშვილი კორეაში, ქ. გიონგჯუში წყლის მეშვიდე მსოფლიო ფორუმის ფარგლებში გამართულ მინისტრთა კონფერენციას დაესწრო.

გარემოსა დაცვის სამინისტროს ინფორმაციით, კონფერენციის ფარგლებში საქართველოს გარემოსა და ბუნებრივი რესურსების დაცვის მინისტრმა მონაწილეობა მიიღო წყალი-საკვები-ენერგია ნექსუსის თემაზე გამართული მრგვალი მაგიდის სხდომაში. მინისტრმა აღნიშნულ საკითხთან დაკავშირებით საქართველოს გამოცდილებაზე და ეროვნულ დონეზე წყლის რესურსების პოლიტიკის შემუშავების ეტაპზე ინტერსექტორალური თანამშრომლობის აუცილებლობაზე ისაუბრა.

მრგვალი მაგიდის ფორმატში მინისტრებმა ასევე იმსჯელეს უსაფრთხო სასმელი წყლისა და სანიტარიის ხელმისაწვდომობის, წყლის რესურსების ინტეგრირებული მართვის, წყალთან დაკავშირებული ბუნებრივი კატასტროფების მართვის, წყლის რესურსების მდგრადი მართვისა და წყლის საკითხებში განათლებისა და საერთაშორისო თანამშრომლობის თაობაზე.

მეშვიდე მსოფლიო ფორუმის ფარგლებში გამართულ მინისტრთა კონფერენციაზე ორმოცდაათამდე ქვეყნის წყლისა და გარემოს დაცვის მინისტრებმა მიიღეს დეკლარაცია სადაც, კიდევ ერთხელ წარმოდგენილია წყალთან დაკავშირებული გამოწვევების დაძლევისათვის საერთაშორისო თანამშრომლობის გაღრმავების აუცილებლობის საკითხი და აღნიშნულია პოსტ 2015 განვითარების დღის წესრიგში წყალთან დაკავშირებული მიზნისა და შესაბამისი ამოცანების შეტანის მნიშვნელობის შესახებ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული