დროებითი საპარლამენტო კომისია პარლამენტის თავმჯდომარეს ინიციატივით მიმართავს, ფასებთან დაკავშირებით, საერთაშორისო კომპანია მოიწვიოს. ინიციატივას კენჭი კომისიის სხდომაზე უყარეს და მხარი ყველა წევრმა დაუჭირა.

კომისიის თავმჯდომარის, შოთა ბერეკაშვილის განცხადებით, ამ ეტაპზე საუბარია მხოლოდ საკვები პროდუქტებისა და პირველადი მოხმარების საგნების სექტორის შესწავლაზე.

მისივე თქმით, საერთაშორისო კომპანიის შესარჩევად ტენდერი გამოცხადდება.

„გვაქვს ინიციატივა, რომ საქართველოს პარლამენტის თავმჯდომარეს ინიციატივით მივმართოთ, რომ პარლამენტმა ჩვენი კომისიის მუშაობის პარალელურად, მოიწვიოს საერთაშორისო კომპანია, რომელსაც აქვს კარგი გამოცდილება, ასე ვთქვათ, პირველადი მოხმარების საგნების და საკვები პროდუქტების სექტორზე. მოვიწვიოთ კომპანია, რომ პარალელურ რეჟიმში შეისწავლოს ჩვენი სექტორის სტრუქტურა, ბიზნესპროცესები, რა პრობლემები არსებობს, შეადაროს საქართველოს მსგავს ქვეყნებთან, სხვა ქვეყნებთან ბაზრის სტრუქტურა და თავისი რეკომენდაციები დაწეროს. ვფიქრობ, ეს ძალიან კარგი ნაბიჯი იქნება, რადგან ჩვენი კომისიის მუშაობის პარალელურად, გვექნება, ასევე, განსხვავებული თვალით დანახული, გარედან შეფასებული დოკუმენტი, რაც არსებითად, მნიშვნელოვნად დაეხმარება საბოლოო ჯამში, ჩვენი კომისიის მუშაობას და შედეგზე გასვლას,“ - განაცხადა ბერეკაშვილმა.

ავტორი: ექსპრესნიუსი,

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა