საქართველოს ფინანსთა მინისტრს, ნოდარ ხადურსა და თურქეთის რესპუბლიკის საბაჟოსა და ვაჭრობის საქმეთა მინისტრს ნურეთთინ ჯანიქლის შორის  სატელეფონო საუბარი შედგა.
ფინანსთა სამინისტროს ინფორმაციით, ნოდარ ხადურმა კოლეგას მადლობა გადაუხადა საქართველოში მისი ვიზიტის დროს დაფიქსირებული პოზიციის გამო, რომელიც ჩვენი ქვეყნის ტერიტორიული მთლიანობისა და სუვერენიტეტის მხარდაჭერას, ასევე სავაჭრო-ეკონომიკურ სფეროში ორმხრივი პარტნიორობის გააქტიურებას ეხებოდა.

უწყების ცნობით, მხარეებმა კიდევ ერთხელ გაუსვეს ხაზი საქართველოსა და თურქეთის რესპუბლიკის საბაჟო ადმინისტრაციებს შორის თანამშრომლობის განმტკიცებისთვის 28-29 იანვარის შეხვედრის შედეგების მნიშვნელობას.
სამინისტროში აცხადებენ, რომ მინისტრების საუბარი შეეხო იმ ახალ რეგულაციებს, რომლის შემოღებასაც თურქეთის მხარე უცხოეთიდან, მათ შორის, საქართველოდან შესული ტვირთებისთვის გეგმავდა.  საუბრის შედეგად მიღებულ იქნა ერთობლივი გადაწყვეტილება, რომ საქართველოსთან მიმართებაში აღნიშნული რეგულაციები არ ამოქმედდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა