უზენაესი სასამართლოს თავმჯდომარის კანდიდატურის შერჩევასთან  დაკავშირებით,  პრეზიდენტთან კონსულტაციები გრძელდება. ამ საკითხზე გიორგი მარგველაშვილი ავლაბრის რეზიდენციაში ამწუთებში "თავისუფალი დემოკრატების" წარმომადგენლებს ხვდება.

როგორც ფრაქცია "თავისუფალი დემოკრატების" თავმჯდომარე ირაკლი ჩიქოვანმა შეხევდრის დაწყებამდე ჟურნალისტებს განუცხადა, ამ საკითხზე პრეზიდენტის მხრიდან კონსულტაციების მზაობას მიესალმება. მისივე განმარტებით, დღეს კონკრეტულ კანდიდატურებზე საუბარი არ ექნებათ. ჩიქოვანის აზრით, უზენაესი სასამართლოს თავმჯდომარე უნდა იყოს ადმაიანი, რომელიც სასამართლო ხელისუფლების დამოუკიდებლობას უზრუნველყოს და საქართველოში სასამართლო რეფორმას ბოლომდე მიიყვანს.
"ჩვენ მივიღეთ პრეზიდენტის შემოთავაზება. საქართველოს უზენაესი სასამართლოს  ახალი თავმჯდომარის არჩევა ძალიან მნიშვნელოვანი პროცესია. ვთვლით, რომ  ერთ-ერთი უმნიშვნელოვანესი პრეროგატივაა, რომელიც დღეს პრეზიდენტს გააჩნია.ეს არის ამ თანამდებობაზე კანდიდატურების წარდგენა.

ჩვენ ჩავატარებთ კონსულტაციებს პრეზიდენტთან.  კონკრეტულ კანდიდატურებთან დაკავშირებით დღესდღეობით ჩვენი მხრიდან საუბარი არ იქნება, ხოლო რაც შეეხება უშუალოდ  შედეგებს, ამასთან დაკავშირებით მას შემდეგ ვისაუბრებთ, რაც კონსულტაციები გაიმართება. თუმცა პრეზიდენტის  წინადადება და ინიციატივა, რომ  ეს იყოს მაქსიმალურად ჩართულობით უზურნველყოფილი პროცესი, ჩვენთვის მისაღებია.

მიგვაჩნია, რომ  რომ აუცილებელია  და უმნიშვნელოვანესია ახალი სასამართლოს თავმჯდომარე იყოს  ადამიანი, რომელიც  სასამართლო ხელისუფლების დამოუკიდებლობას უზრუნველყოფს სდა საქართველოში სასამართლო რეფორმას ბოლომდე მიიყვანს",-განაცხადა ირაკლი ჩიქოვანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო