საქართველოს მთავრობას მთლიანობაში და არც ერთ სამინისტროს არ აქვს გამჭვირვალობის პრობლემა; არა მარტო გამჭვირვალედ ვმუშაობთ, არამედ ვმუშაობთ სუფთად და სწორედ ამიტომ არ გვაქვს გამჭვირვალობის პრობლემა, განსხვავებით ენჯეოებისგან, - ამის შესახებ "ქართული ოცნების პრემიერ-მინისტრმა ირაკლი კობახიძემ დღევანდელ ბრიფინგზე განაცხადა.

ივანიშვილის მთავრობის მეთაურის შეფასებით, ენჯეოებს ზუსტად იმიტომ აქვთ გამჭვირვალობის პრობლემა, რომ სუფთად არ მუშაობენ და ემსახურებიან არა ეროვნულ ინტერესებს, არამედ საქართველოს ეროვნული ინტერესების წინააღმდეგ მოქმედებენ.

„ისინი პირდაპირ იყვნენ ჩართული ანტისახელმწიფოებრივ აქციებში, ანტისახელმწიფოებრივ აქტებში და სწორედ ამიტომ აქვთ საკუთარი დაფინანსებაც დასამალი. მე ძალიან მრავლად ვნახე იმ ანტისახელმწიფოებრივ აქციებზე შენიღბული ენჯეოშნიკები. არ შეიძლება, ქვეყნის გარედან ფინანსდებოდეს პოლიტიკა. ეს არის კონსტიტუციური სტანდარტების საწინააღმდეგო მოვლენა. როდესაც პოლიტიკურ აქციებში მონაწილეობენ ენჯეოების წარმომადგენლები, ეს ნიშნავს, რა თქმა უნდა, გარედან პოლიტიკის დაფინანსებას და მით უმეტეს, არ შეიძლება, რადიკალიზმი და რადიკალური პოლიტიკა ფინანსდებოდეს ქვეყნის გარედან. არავის არაფერი ესაქმება ქართულ პოლიტიკაში გარედან. გარედან არავინ უნდა ჩაერიოს ქართულ პოლიტიკაში - ეს არის კონსტიტუციური სტანდარტი. იყო გარკვეული გადახვევა კანონში, არასწორი პრაქტიკაც იყო ჩამოყალიბებული, დღეს ჩამოყალიბდა სწორი კანონმდებლობა და სწორი პრაქტიკა", - განაცხადა პრემიერ-მინისტრმა.

ავტორი: ექსპრესნიუსი,

სოციალური ქსელები

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.