„თიბისი ბანკის“ დამფუძნებლის და სამეთვალყურეო საბჭოს თავმჯდომარის, მამუკა ხაზარაძის განცხადებით, ლარის გაუფასურება ბანკების მომგებიანობაზე პირდაპირ უკუპროპორციულად მოქმედებს, რადგან მისი კაპიტალი იკლებს.

როგორც მან ჟურნალისტებს განუცხადა, მცირდება იმ ინვესტორთა ინვესტიციები, რომლებიც ინვესტიციას  დოლარში ახორციელებენ.

მისივე განმარტებით, მსესხებლები, რომლებსაც სესხი დოლარში აქვთ დაფიქსირებული, ბევრი პრობლემის წინაშე დგებიან.

„იმ მსესხებლებს, რომლებსაც დოლარში ჰქონდათ დაფიქსირებული სესხი გადახდა  უჭირთ  შესაბამისად, ბანკი იძულებულია, რომ ეს სესხები ჩამოწეროს და რესტრუქტურიზაცია გააკეთოს. ხოლო რაც შეეხება ბანკის მონაწილეობას ლარის კურსში, ბანკები ყოველთვის იღებენ იმ მომსახურების საფასურს, რომელიც ვალუტის გადახურდავებ-გადმოხურდავების დროს თეთრებით არის განსაზღვრული. აქ არ არის საუბარი იმაზე, რომ იაფად იყიდო და ძვირად გაყიდო, რადგან ეს პროცესი კარგად რეგულირდება“, -  განაცხადა ხაზარაძემ.

„თიბისი ბანკის“ დამფუძნებლის თქმით, ბოლო 15-20 წლის განმავლობაში „თიბისი ბანკი“ არის მომგებიანი ბანკი და ლარის კურსს ამასთან კავშირი არ აქვს.

„ეს არის ფუნდამენტალური ბიზნესი, რომელსაც ბანკი მუდმივად აკეთებს“, - განმარტა ხაზარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო