მერკელი და ოლანდი ევროზონის საგანგებო სამიტს მოიწვევენ

2015-07-06 10:10:12, 1174 ნახვა

მსოფლიო

გერმანიის კანცლერი ანგელა მერკელი და საფრანგეთის პრეზიდენტი ფრანსუა ოლანდი, 7 ივლისს, ევროზონის 19 ქვეყნის სახელმწიფო მეთაურების საგანგებო სამიტს მოიწვევენ.

შესაბამისი გადაწყვეტილება ოლანდმა და მერკელმა სატელეფონო საუბრისას მიიღეს.

სამიტზე საბერძნეთში განვითარებული მოვლენები განიხილება.

„საფრანგეთის და გერმანიის ლიდერები, ერთხმად ადასტურებენ რეფერენდუმის შედეგების პატივისცემას. საბერძნეთში არსებული სიტუაცია 7 ივლისს, ევროზონის 19 ქვეყნის სახელმწიფო მეთაურების სამიტზე განიხილება“, - ნათქვამია გერმანიის და საფრანგეთის ლიდერების ერთობლივ განცხადებაში.

თავის მხრივ, ბრიუსელში აღნიშნეს, რომ რეფერენდუმის შედეგები საბერძნეთის ევროზონიდან ავტომატურ გასვლას არ ნიშნავს.

„ჩვენ, არც კი გვაქვს ევროზონიდან გასვლის ლეგალური მექანიზმები“, - განაცხადა ევროკომისიის წარმომადგენელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან