2014-12-31 13:34:57, 1158 ნახვა

---

წულუკიანი: 2008 წლის ომის საქმეზე, სტრასბურგის სასამართლოში, ყველა მხარეს გამარჯვების მოლოდინი აქვს

„2008 წლის ომის საქმეზე, სტრასბურგის სასამართლოში, ყველა მხარეს გამარჯვების მოლოდინი აქვს“, - ამის შესახებ იუსტიციის მინისტრმა თეა წულუკიანმა განაცხადა.

დღეს საქართველო ბოლო შესაგებელს წარადგენს სტრასბურგში, რომელიც რუსეთ საქართველოს 2008 წლის ომს ეხება.

წულუკიანის თქმით, შესაგებლის წარდგენა უკვე დაწყებულია და ის დღის ბოლომდე დასრულდება.

„შესაგებლის წარდგენა ამ წუთებში მიმდინარეობს. ჩვენი შესაგებელი 100 გვერდიანია და 180-მდე დანართია, ამ წუთებში სტრასბურგის სასამართლოს ვებ-გვერდზე მიმდინარეობს ამ შესაგებლის ატვირთვა და ის დღის ბოლომდე დასრულდება. ყველა მხარეს გამარჯვების მოლოდინი აქვს“, - განაცხადა წულუკიანმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი