არგენტინელი ფეხბურთელის ლიონელ მესის 5 წლის თაყვანისმცემელი, ავღანელი ბიჭუნას მურთაზა აჰმადის ოჯახი იძულებული გახდა, ავღანეთი დაეტოვებინა და საცხოვრებლად პაკისტანში გადასულიყო, - ამის შესახებ BBC ბიჭუნას მამაზე დაყრდნობით იუწყება. 

როგორც ბიჭუნას მამამ BBC-სთან საუბრისას განაცხადა, მას შემდეგ, რაც მისი შვილი ცნობილი გახდა, ოჯახმა მუქარის შემცველი არაერთი შეტყობინება მიიღო. მამაკაცის თქმით, მათ ღაზნის პროვინციაში სახლი დატოვეს, რადგან იქ დარჩენა ოჯახისთვის საფრთხის შემცველი იყო.

შეგახსენებთ, რომ მურთაზა აჰმადი პოპულარული მას შემდეგ გახდა, რაც ინტერნეტში ფოტოები გავრცელდა, სადაც მას პოლიეთილენის პარკისგან გაკეთებული მესის მაისური აცვია. ინტერნეტში ფოტოს გავრცელების შემდეგ არგენტინელმა ფეხბურთელმა, მესიმ თავის პატარა თაყვანისმცემელს საკუთარი ხელმოწერით ორი მაისური და ბურთი გაუგზავნა. 

“რამდენიმე დღის წინ ადგილობრივმა განგსტერმა დამირეკა. ის ფიქრობს, რომ რადგან ჩემმა შვილმა მესისგან მაისურები მიიღო, მას ფულიც გამოუგზავნეს. ის ფულის გამოძალვას ცდილობდა”, - განაცხადა არიფ აჰმადიმ BBC-სთან საუბრისას.

მურთაზას ოჯახის შვიდი წევრი პაკისტანის ქალაქ კვეტაში გადასახლდა. მათ ერთ ოთახში უწევთ ცხოვრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია