შრომის, ჯანმრთელობისა და სოციალური დაცვის მინისტრის დავით სერგეენკოს განცხადბეით, ჯერჯერობით გადაწყვეტილი არაა, თუ რისთვის გამოიყენებენ  თბილისში, ათონელის ქუჩაზე მდებარე რეზიდენციას. 

როგორც სერგეენკომ მთავრობის სხდომის დაწყებამდე ჟურნალისტებს განუცხადა, მშენებლობის მიმდინარეობისას მთავრობამ რამდენჯერმე იმსჯელა ამ საკითხზე და იყო შენობის გამოსაყენებლად სხვადასხვა ვერსიები დასახელდა:

"ამ პერიოდის განმავლობაში, სანამ მშენებლობა დასრულდებოდა, რამოდენიმეჯერ იყო მთავრობის სხდომაზე მსჯელობა. რამდენიმე ვარიანტი განიხილებოდა.მაგალითად, რომ ეს ყოფილიყო მაღალი დონის დელეგაციების შეხვედრის დგილი. რომ ეს ყოფილიყო რამოდენიმე სამინისტროს სამუშაო ადგილი.თუმცა ვფიქრობ, შერჩეული იქნება  ოპტიმალური გადაწყვეტილება და ფუნქციონირებას მალე დაიწყებს",-განაცხადა დავით სერგეენკომ.

ამასთან, გარემოს დაცვისა და ბუნებრივი რესურსების მინისტრის ელგუჯა ხოკრიშვილის განმარტებით, ათონელის ქუჩაზე მდებარე  რეზიდენციის მშენებლობის სამუშაოები თითქმის დასრულებულია. მისივე თქმით,  რეზიდენცია თავდაპირველად პრეზიდენტის ადმინისტრაციისთვის შესაბამისი უსაფრთხოების სტანდარტებით აშენდა, თუმცა როგორც ცნობილია,  პრეზიდენტი იქ გადასვლაზე უარს აცხადებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება

SOLO-ს მხარდაჭერით, თბილისი თანამედროვე ხელოვნების პირველ საერთაშორისო აუქციონს უმასპინძლებს

ადამიანის უფლებათა კომისარს მოუწოდეს გამოიძიოს ივანიშვილის რეჟიმის პრაქტიკა, გააშიშვლონ პატიმარი ქალები