გამოძიებამ ბესო ხარძიანის  სავარაუდო მკვლელის რამდენიმე ფოტორობოტი შექმნა
ბიზნესმენ ბესო ხარძიანის ოჯახის ადვოკატის, მალხაზ სალაყაიას,  ინფორმაციით, მოწმეთა ჩვენებების საფუძველზე, გამოძიებამ  სავარაუდო ბრალდებულის რამდენიმე ფოტორობოტი შექმნა.

მისივე თქმით,  პროკურატურა  დამნაშავის დასადგენად  აქტიურად მუშაობს.

,,ბესო ხარძიანის ქალიშვილის დაკითხვას ვესწრებოდი, მან გაიხსენა იმ დღეებში მის თვალსაწიერში შემჩნეული პიროვნებები, ასევე, ყველა ის სანტრანსპორტო საშუალებები და ობიექტები, რომელსაც შესაძლოა მკვლელობასთან კავშირი ჰქონდეს. 
ამ ეტაპზე აუცილებელი საგამოძიებო მოქმედებები მიმდინარეობს, მე ვიტყოდი, ამოსაცნობად ვარგისი ფოტოსურათის, ან პიროვნების დადგენა, რომელიც საქმეს ნათელს მოჰფენს, ან მართლმსაჯულების წინაშე დადგება“,-განაცხადა ადვოკატმა.
ბიზნესმენი ბესო ხარძიანი საკუთარ სახლთან ცეცხლსასროლი იარაღით გუშინ  დაჭრეს. მოგვიანებით იგი რესპუბლიკურ საავადმყოფოში გარდაიცვალა.  ბესიკ ხარძიანი კუს ტბის აქციებს ფლობდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?