საქართველოს თავდაცვის სამინისტრო, „საზოგადოებრივი ორგანიზაცია აისი“ და „გენერალ გიორგი მაზნიაშვილის სახელობის ახალგაზრდული ლეგიონი“ ახალგაზრდებში სამხედრო-სამოქალაქო თავდაცვის საკითხებზე ცნობიერების ამაღლებაზე ერთობლივად იზრუნებენ.

როგორც „ექსპრესნიუსს“ თავდაცვის სამინისტროდან აცნობეს, თავდაცვის სამინისტროსა და ახალგაზრდულ ორგანიზაციებს შორის ურთიერთთანამშრომლობის მემორანდუმი დღეს გაფორმდა.

მათივე ცნობით, დოკუმენტს ხელი ეროვნული გვარდიის სარდალმა, ბრიგადის გენერალმა ლევან გამყრელიძემ და ახალგაზრდული ორგანიზაციების ხელმძღვანელმა პირებმა მოაწერეს. მემორანდუმი ორგანიზაციებს შორის ურთიერთთანამშრომლობის სურვილის საფუძველზე შეიქმნა.

მემორანდუმის თანახმად, სამხედრო-სამოქალაქო თავდაცვით საკითხებში ახალგაზრდა თაობის ცოდნის ამაღლების მიზნით, დაიგეგმება და განხორციელდება სხვადასხვა სახის ღონისძიებები, ორმხრივი შეხვედრები, დიალოგები და კონსულტაციები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა