საქართველოს თავდაცვის მინისტრმა შეიარაღებული ძალების სამხედრო ქვედანაყოფების მონახულება დაიწყო.

თავდაცვის სამინისტროს ინფორმაციით, დღეს, თინათინ ხიდაშელი გენერალური შტაბის უფროს, გენერალ მაიორ ვახტანგ კაპანაძესთან ერთად გიორგი ანწუხელიძის სახელობის სერჟანტთა მომზადების ცენტრს ესტუმრა.

თავდაცვის უწყების ხელმძღვანელებს ცენტრის მეთაურმა, ვიცე-პოლკოვნიკმა ლაშა დავითაძემ უმასპინძლა. მან თავდაცვის მინისტრს სერჟანტთა მომზადების ცენტრის ისტორიის, შესაძლებლობების, სასწავლო პროგრამებისა და ახალი კურსების დანერგვის გეგმის შესახებ ბრიფინგი წარუდგინა. ვიცე-პოლკოვნიკმა ლაშა დავითაძემ სტუმრებს ცენტრის ინფრასქტრუქტურული პროექტებისა და სარეაბილიტაციო სამუშაოების შესახებაც მიაწოდა ინფორმაცია.

მოგვიანებით, თავდაცვის მინისტრმა და გენერალური შტაბის უფროსმა სერჟანტთა მომზადების ცენტრი დაათვალიერეს და შუალედური და  სამეთაურო-საშტაბო კურსების მსმენელებს შეხვდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება