ნიდერლანდების სამეფოს  ქალაქ ლეიდენში, გალერეა „ზონეში“ აფხაზეთიდან დევნილი მხატვრების გამოფენა „როდის? ჩემი ოცნება - ჩემი აფხაზეთი“ გაიხსნა.

გამოფენაში აფხაზეთიდან დევნილი 21-დან 80 წლამდე ასაკის 22 მხატვარი მონაწილეობს და წარმოდგენილი ნამუშევრები მათ მიერ დანახულ სამყაროზე, ნოსტალგიაზე და მოლოდინზე მოგვითხრობს. გამოფენა თავის სათქმელით მსოფლიოს 65 მილიონი დევნილის საერთო ტკივილსა და საკუთარ სახლებში დაბრუნების ოცნებას ეხმიანება.

გამოფენის ორგანიზატორი   ფონდ „არტექოს“ დამფუძნებელი და ხელმძღვანელი  აფხაზეთის მკვიდრი დალი უბილავა-დე გრააფია.

 ,,აფხაზეთიდან დევნილი მხატვრები შემოქმედებით ცდილობენ  გასცდნენ კონფლიქტებით, ომებით, ტერორით თუ ბუნებრივი კატაკლიზმებით სავსე დროსა და სივრცეს, ხელოვნების ნიმუშები კი მრავალფეროვანი ემოციით, განწყობით და ფილოსოფიით შექმნან“  -განაცხადა დალი უბილავამ

გამოფენის გახსნას დაესწრნენ და სიტყვებით გამოვიდნენ საქართველოს ელჩი ჰოლანდიაში- კოტე სურგულაძე   ,  ლეიდენის ვიცე-მერი- მონიკ ვან სანდიკი,  ჰანს ჰორბახი-  ჰოლანდიის ელჩი საქართველოში, ფრიც დაიკსი- ჰოლანდიის ამნესტი ინტერნაციონალის წარმომადგენელი.

 გამოფენას ასევე ესწრებოდნენ თამარ ღვინაძე -საქართველოს კონსული ჰოლანდიაში,  ლოტე ჰაიემა-ჰოლანდიის საგარეო საქმეთა სამინისტროს წარმომადგენელი, ჰეიდიმარია გურერი -ავსტრიის ელჩი ჰოლანდიაში, მუტი მურდი -ესტონეთის კონსული ჰოლანდიაში, , ისტიაქ აჰმედი -ჰოლანდიაში კუვეიტის ელჩის პირველი მოადგილე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი