რუსეთთან ურთიერთობის საკითხებში პრემიერის სპეციალური  წარმომადგენელის ზურაბ აბაშიძის განცხადებით, უკრაინელ მფრინავ ნადეჟდა სავჩენკოსთან დაკავშირებით, მთელი საერთაშორისო საზოგადოება ჰუმანურ გადაწყვეტილებას ელოდება.

“დიდი იმედი მაქვს, რომ სასამართლო ჰუმანურ განაჩენს გამოიტანს. ეს ქალბატონი, რა თქმა უნდა, არის ომის მსხვერპლი. ის თავისი ქვეყნისთვის იბრძოდა და ასეთ ჰუმანურ გადაწყვეტილებას ელის მთელი საერთაშორისო საზოგადოება”, - განაცხადა აბაშიძემ.

კითხვაზე, ამ საკითხთან დაკავშირებით, უნდა გააქტიურდეს თუ არა ოფიციალური თბილისის განცხადებები, აბაშიძემ უპასუხა:  “ვნახოთ, იქნებ, გაკეთდეს კიდევ განცხადებები”.

ცნობისთვის, ნადეჟდა სავჩენკოს ბრალად  რუსი ჟურნალისტების მკვლელობა ედება, რომლებიც  უკრაინის ლუგანსკის ოლქში 2014 წლის ივნისში დაიღუპნენ. ნადეჟდა  სავჩენკო ბრალს არ აღიარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს