აჭარის საზოგადოებრივი ჯანდაცვის ცენტრის ერთ–ერთი პროგრამის  – ,,მაღალმთიანი აჭარის მოსახლეობაში კიბოსა და კიბოსწინა დაავადებათა ადრეული დიაგნოსტიკის“  ფარგლებში, დღეს ქედის მუნიციპალიტეტის სოფელ მახუნცეთის ამბულატორიაში,  უფასო სამედიცინო გამოკვლევები მიმდინარეობს.

აჭარის ჯანდაცვის სამინისტროს ინფორმაციით, მოსახლეობას სამედიცინო მომსახურებას უწევს ონკოლოგიის სამედიცინო ცენტრის ექიმები – ონკოლოგი, გინეკოლოგი, რადიოლოგი, ლარინგოლოგი და მამოლოგი.

„საზოგადოებრივი ჯანდაცვის ცენტრის პროგრამის მიზანია მაღალმთიანი აჭარის მოსახლეობაში ონკოლოგიურ დაავადებათა მკურნალობისა და მართვის მიზნით კიბოსა და კიბოსწინა დაავადებების დროული დიაგნოსტიკა.

ქედის, შუახევისა და ხულოს მუნიციპალიტეტებში მთელი წლის განმავლობაში განხორციელდება მასახლეობის გამოკვლევები, კერძოდ: ულტრაბგერითი გამოკვლევა; ონკოლოგის კონსულტაცია (არანაკლებ 1600 ბენეფიციარისა); დიაგნოზის დაზუსტების მიზნით, საჭიროების შემთხვევაში, სპეციალისტთა (უროლოგი, ლარინგოლოგი, გინეკოლოგი) კონსულტაცია; ონომარკერებზე ლაბორატორიული გამოკვლევა; ციტოლოგიური გამოკვლევა“, - ნათქვამია აჭარის ჯანდაცვის სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი