ავღანეთში, ფარვანის პროვინციაში მყოფ საქართველოს შეიარაღებული ძალების IV მექანიზირებული ბრიგადის 43-ე ბატალიონს სკოლის მოსწავლეებმა წერილები გაუგზავნეს.

თავდაცვის სამინისტროს ინფორმაციით, ბაგრამის საავიაციო ბაზაზე ქართველმა სამხედროებმა წერილები თბილისის 133-ე საჯარო სკოლის IV და V კლასის მოსწავლეებისგან მიიღეს.

„მტკიცე მხარდაჭერის" მისიაში მონაწილე ქართველმა სამხედროებმა თბილი წერილებისთვის პატარა მეგობრებს მადლობა გადაუხადეს და საპასუხო წერილების გამოგზავნას დაპირდნენ. 43-ე ბატალიონის ინიციატივით, 133-ე საჯარო სკოლას, საპასუხო წერილებთან ერთად, საქართველოს სახელმწიფო დროშას გაუგზავნიან, რომელზეც ქართველი ჯარისკაცების ხელმოწერები იქნება.

43-ე ბატალიონი საერთაშორისო მისიას ფარვანის პროვინციაში მდებარე ბაგრამის საავიაციო ბაზაზე ასრულებენ. ქართველი სამხედროების მთავარი ამოცანა ბაზის უსაფრთხოების უზრუნველყოფაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა