თავდაცვის ინსტიტუციური აღმშენებლობის სკოლაში (DIB)  უსაფრთხოების სექტორის საორიენტაციო კურსი  გრძელდება.

თავდაცვის სამინისტროს ინფორმაციით, კვირეულის განმავლობაში მონაწილეებს რეგიონული და გლობალური უსაფრთხოების თემებზე ლექციებს უსაფრთხოების სფეროს ექსპერტები  უკითხავენ.

მათივე ცნობით, დღეს, კურსის მონაწილეები ქვეყნის უსაფრთხოების პოლიტიკასა და მის პრიორიტეტებს გაეცნენ. საქართველოს ეროვნული უშიშროების საბჭოს მდივნის მოადგილემ, ივლიანე ხაინდრავამ   ლექცია თემაზე - „რეგიონული თანამშრომლობა“ წაიკითხა. 

მან ყურადღება სამხრეთ კავკასიის პოლიტიკურ ცენტრებს, საქართველოს, სომხეთსა და აზერბაიჯანს შორის არსებულ ურთიერთობებსა და საგარეო კურსზე გაამახვილა. საუბარი შეეხო,  ასევე, რუსეთ-თურქეთს შორის არსებულ ურთიერთობასა და საქართველოს მიმართ ამ ქვეყნების დამოკიდებულებას.

უსაფრთხოების სექტორის საორიენტაციო კურსი პირველი გრძელვადიანი სასწავლო პროგრამაა, რომელსაც  DIB უსაფრთხოების  სექტორის აუდიტორიას სთავაზობს.

კურსი ორი თვე გრძელდება და სალექციო კვირეულის გარდა, ტრენინგ-მოდულებს, პრაქტიკულ მოდულებსა და დისტანციური სწავლების მოდულებს  მოიცავს.

 (NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება