იუსტიციის მინისტრის მოადგილე გოჩა ლორთქიფანიძე საგარეო საქმეთა მინისტრის მოადგილე გიგი გიგიაძესთან ერთად 25 მარტს  ქ. ჰააგაში ევროჯასტის პრეზიდენტ მიშელ კონინსხს შეხვდა.
შეხვედრაზე მხარეებმა საქართველოსა და ევროჯასტს, როგორც ევროკავშირის იუსტიციის ერთიან ორგანოს, შორის თანამშრომლობის შეთანხმების გაფორმების პროცესის მიმდინარეობა და ამ მიმართულებით მომდევნო პროცედურული ნაბიჯების განხორციელებასთან დაკავშირებული საკითხები განიხილეს.
საქართველოსა და ევროჯასტს შორის თანამშრომლობის აქტივიზება და თანამშრომლობის შეთანხმების გასაფორმებლად მოლაპარაკებების დაწყება საქართველოს ევროინტეგრაციის პროცესში ევროკავშირსა და მის ორგანოებთან სექტორული თანამშრომლობის გაღრმავების პროცესის ნაწილია, რომლის მიზანია შესაბამის სფეროებში, მათ შორის, იუსტიციის სფეროში, ევროკავშირთან სტანდარტებისა და რეგულაციების ერთიანი სივრცის შექმნა.
ევროჯასტი (Eუროჯუსტ) არის ევროკავშირის იუსტიციის ერთიანი ორგანო, რომლის ძირითადი საქმიანობაა სისხლის სამართლის საქმეებზე ევროკავშირის წევრი ქვეყნების თანამშრომლობის კოორდინაცია, მათ შორის, ევროკავშირის არაწევრ, ევროინტეგრაციის პროცესში მყოფ პარტნიორ სახელმწიფოებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი